ما هي الأرقام المعنوية

• بنسمي الأرقام اللي بنحصل عليها من القياس أرقاماً معنوية .

• كلما زاد عدد الأرقام المعنوية زادت دقة القياسات:

مثال : عندي مثلاً شخص طويل... بقول هاد طوله 1.8 متر.
هون عطيت أنا قياس لطوله بدقة معينة..
اجى شخص تاني وجاب مقياس لطوله(المتر) وقاس الطول وطلع معو طول الشخص 1.83 متر..
هون، عدد الأرقام المعنوية ازداد، بالمرة الأولى (1.8متر) عندي رقمين.. وبالتانية(1.83متر) عندي 3 أرقام معنوية.. وهيك بلاقي إنو القياس 1.83 هو أدق من ال1.8.

مثال تاني.. عندي مسطرة فيها تدريجات للديسي متر وللسنتي متر.. بتعطيني قياسات معينة بدقة معينة..

جبت مسطرة تانية.. فيها تدريجات بالميللي متر.. صارت بتعطيني قياسات أدق.
المسطرة الأولى ناتج قياسها فيه عدد أقل من الأرقام المعنوية يعني بتعطيني قياس مثلاً 54 CM
والمسطرة التانية ناتج قياسها فيه عدد أكبر من الأرقام المعنوية.. يعني بتعطيني ناتج هو 54.5 CM هي ال 0.5 الزيادة بتدل عالميللي مترات.

• قواعد الأرقام المعنوية :

1- تُعد الأرقام جميعُها غير الصفرية أرقاماً معنوية . متل :

759 : يتكوّن من 3 أرقام معنوية .

7.8516 : يتكوّن من 5 أرقام معنوية .



2- الصفر يمكن أن يكون معنويًا أو غير معنوي . متل :

• إذا كان الصفر يقع بين الأرقام غير الصفرية فيُعتبر رقماً معنوياً .

2.033 : يتكون من 4 أرقام معنوية .

5008 : يتكون من 4 أرقام معنوية .

900.00005 : يتكوّن من 8 أرقام معنوية .



• الأصفار التي تقع على يسار العدد لا تعتبر أرقاماً معنوية .

0.0237 : يتكوّن من 3 أرقام معنوية .

0.000201 : يتكون من 3 أرقام معنوية .



• الأصفار التي تقع يمين الكسر العشري تعتبر أرقاماً معنوية .

258.00 : يتكون من 5 أرقام معنوية .

9000.0: يتكوّن من 5 أرقام معنوية .



• الأصفار التي تقع بعد آخر خانة في الكسر العشري تُعتبر أرقاماً معنوية .

25.50 : يتكوّن من 4 أرقام معنوية .

0.0000400 : يتكوّن من 3 أرقام معنوية .



• الأصفار التي تقع يمين العدد غير الكسري فهي لا تُعد أرقاماً معنوية

500 : يتكوّن من رقم معنوي واحد.

50000 : يتكوّن من رقم معنوي واحد.

0.0005 : يتكوّن من رقم معنوي واحد.


أمثلة

1) 15.11                 

2) 6.00

3) 0.700                   

4) 200.00

5) 0.0009             

6) 1.2850

7) 5432                     

8) 8010.1001

حلوهن بدون ما تشوفوا الحل

الحل تحت..

• الـحـل :

1) 15.11 : يتكوّن من 4 أرقام معنوية . "جميعُها أرقام غير صفرية" .

2) 6.00 يتكوّن من 3 أرقام معنوية.

3) 0.700 : يتكوّن من 3 أرقام معنوية . "الصفر على يسار العدد ما بنعتبره معنوي"

4) 200.00 : يتكوّن من 5 أرقام معنوية . "الصفر على يمين العدد بنعتبره معنوي"

5) 0.0009 رقم معنوي واحد.

6) 1.2850 يتكون من 5 أرقام معنوية .

7) 5432 : يتكوّن من 4 أرقام معنوية .

8) 8010.1001 : يتكوّن من 8 أرقام معنوية .

• بيبقى عنا كم ملاحظة.. وقت بيعطيني مسألة وفيها 3 معطيات مثلاً... بشوف شو العدد صاحب الأرقام المعنوية الأقل وعأساسو عدد أرقامه لازم يطلع الجواب تبع المسألة. 

• وفكرة التقريب أو التدوير أكيد بتعرفوها. 

رح نعطي لمحة استذكارية عنها.

عندي العدد 534 .. بنقربه لأقرب عشرة بيصير 530.
المقصود إنو شو أقرب عدد بمنزلة عشرات من العدد 534.

مثال تاني.. العدد 636..بنقربه لأقرب عشرة بيصير 640.

بنقربه إلى أقرب مئة بيصير 600.

العدد 54.34 بنقربه إلى أقرب جزء من عشر بيصير 54.3
بنقربه إلى أقرب واحد بيصير 54.

مفهوم التقريب كتير رح استخدمو بالناتج..

بنلاحظ من الأمثلة انو اذا كان العدد اللي بدي قرب ع أساسو 4 أو أقل ف بقرب للأدنى.
واذا كان 5 أو أكثر ف بقرب للأعلى.
يعني هون 738..بدي قرب لأقرب عشرة.. فبشوف الآحاد من ال5 وفوق فبقرب للأعلى.. بيصير العدد 740
بدي قربه مثلاً لأقرب مئة.. بشوف العشرات.. 4 أو أقل فبقربه للأدنى وبيصير 700..وهيك.

• التقريب وفائدته بالأرقام المعنوية:

بعطيك رقم وبقلك دورلي ياه لعددين معنويين.
مثال :738 بدي خليه يصير بس فيه عددين معنويين.. معناها عم يقلي قربه لأقرب عشرة.. بيصير العدد 740.. وبنعرف انوو الصفر اللي عاليمين مانها معنوية.. بناء عالقواعد اللي فوق.