شرح الفصل الأول-المعايرة-

المحاليل والتراكيز

المقال هاد رح يكون سهل عليكن لان غالبية الافكار اللي رح تنذكر مرت معكن بالبكالوريا.

حساب تركيز محلول:

تركيز المحلول: هو كمية المادة المذابة في مذيب ما على حجم هاد المذيب....يعني أنا بدي شوف كم مول عندي من هي المادة في لتر واحد من المذيب..تعريف بسيط وانتو أخدتوه بالبكالوريا..الاختلاف هون هو الواحدة المكافئة لحجم المحلول ..ويللي هية ال1 ديسيمتر مكعب اللي بتعادل 1 ليتر 

حساب تركيز المحلول : C=N/V.

المعايرة الحجمية

بنستخدم المعايرة الحجمية لمعرفة التركيز الدقيق لمحلول مجهول التركيز .
تجربة المعايرة اللي بالصفحة 17 هي للاطلاع ..اقراها لاغناء معرفتك عزيزي الطالب .

المثال المحلول بالصفحة 17 الرقم 20 فينكن تحلوه بطريقة البكالوريا أسرع وأرتب

الحسابات المتعلقة بحجوم الغازات

أولا :فرضية أفوكادرو: 
اقترح أفوكادرو انو الحجوم المتساوية من الغازات بتضم العدد نفسه من الجزيئات ...يعني اذا جبت لتر من الكلور ولتر من الاوكسجين فرح لاقي بهاللتر في عدد من جزيئات غاز الكلور بيساوي العدد نفسه للجزيئات تبعيت غاز الاوكسجين.

وشروط صحة هالفرضية انو :

1. ضغط الغاز ما عالي كتير
2. درجة الحرارة ليست شديدة الانخفاض

وقيم هالشروط هية إنو ضغط الغاز عند درجة الحرارة الغرفة 20 C° هو 1 atm .. وهدول القيم بيسموهن القيم المعيارية عند درجة حرارة الغرفة وضغطها r.t.p

هاد الرمز اختصار ل  Room temperature and pressure. 

وعهالمبدأ هاد وعند هي الشروط بيكون الحجم المولي الغازي (يعني حجم 1 مول من أي غاز) هو 24.0dm^3.

هاد بشو بيفيدنا ؟

بيقلك عطيني عدد مولات هاد الحجم من الغاز كذا 

مثلاً :عطيني عدد مولات الميتان الموجودة في 12.0dm^3 من غاز الميتان .. 

هون مبين إنو عندك نص مول... عن طريق تقسيم الحجم المعطى على الحجم المولي الغازي اللي بنعرفو . 

يعني    n=v/'v  .... هي ال v' هية اللي بتساوي 24.0 dm^3

وبس تعرف عدد المولات فينك تحسب الكتلة كمان من قانون  n=m/M