موازنة المعادلات الكيميائية :
هي الفقرة سهلة وما بدها شرح كتير، ومع ذلك بيجي عليها سؤال دورة بيسألكن فيه 👈إن ستوكيومترية المعادلة التالية هي :...... وبيحط خيارات... يعني عم يقلك وازن لي المعادلة.
المعادلة بتكون موزونة لما بيكون عدد الذرات لكل عنصر متساوي بين طرفي المعادلة،وهاد الشي معروف.
رموز الحال:
هي الرموز التي تدل على الحالة الفيزيائية للمادة المتفاعلة أو المادة الناتجة..
وطبعاً الرموز الكل بيعرفها .. S للصلب.
g للغاز.. l سائل .. aq محلول.
شو يعني محلول؟ يعني إنو المادة اللي حطينا رمز الحالة جنبها مُذابة بمادة مُذيبة (وبتكون المادة المُذيبة غالباً الماء) وتم تأين هي المادة.
التأين:يعني افتراق شِقّي المادة؛ الأيون الموجب والأيون السالب.
المعادلات الأيونية :
أول شي شو يعني المعادلة الأيونية؟
هي المعادلة اللي بيظهر فيها فقط الأيونات أو المواد اللي بتتفاعل وبتتغير من حالة لحالة.وهي المعادلة أبسط من المعادلة الكيميائية، بيتم فيها اختصار الأيونات الشاهدة اللي ما شاركت بالتفاعل وضلت متل ما هية.
رح ننزل كم صورة نشرح فيهن الحكي بالتفصيل وعالتمام.
هاد الحكي لزيادة الفهم، وهلأ بنبدأ بالمعادلات الأيونية وكتابتها.
اقرؤوا الصورة منيح وافهموها ...
باختصار، عند كتابة المعادلة الأيونية وبعد كتابة كل مركب منحل بالصيغة الأيونية.. بنحذف كلشي ما تبدل حاله..
يعني كان aq وضل aq.
بيجيك سؤال الدورة وبيقلك إما تحدد الأيونات الشاهدة أو تختار المعادلة الأيونية الصحيحة.
تفاعلات الترسيب:
هي تفاعلات بين مركبين أيونيين مُنحلين (يعني aq) ليعطوني مركبين جدد واحد منن راسب (s) .
بهاد النمط من التفاعلات وقت بدنا نكتب المعادلة الأيونية بنكتبها كالآتي :
بطرف التفاعلات بيكون عندي الأيونات اللي مكونة للراسب المتشكل بالمعادلة اللي عاطيني ياها.
وبطرف النواتج بيكون عندي الراسب اللي نتج عندي من المعادلة.
طبقوا هالحكي عالمثال المحلول رقم 17 بالصفحة رقم 14.
