بعد التحية والسلام أتابع معكم زملائي في السلسلة التعريفية بمواد السنة التحضيرية ... لكل حدا ما شاف مقال الفيزياء فينه يضغط هون.
الكيمياء.. وما أدراكم ما الكيمياء 😎.. الكتاب مؤلف من 25 فصلاً ، المطلوب منكم 21 فصلاً فقط...بيتوزعوا على 13 فصل من حصة الكيمياء البنيوية وهي مُشابهة في المواضيع المطروحة للكيمياء اللي مرت معكم بالمرحلة الثانوية مع بعض الإضافات والإسهابات بالشرح، وباقي الفصول من نصيب الكيمياء العضوية.
مستوى المادة : مستوى صعوبة المادة نسبي .. يعني يللي بيحب الكيمياء رح يشوف هي المادة سهلة😍.. ويللي ما بيحب الكيميا رح يشوفها صعبة😱...
أما مستوى أسئلة المادة بالامتحان فهو للأمانة صعب ووقت الحل ضيق... الأسئلة بتجي محتوية على نسبة منيحة من المسائل وكمية من الأسئلة النظرية اللي بتحتاج لذكاء وسرعة بديهة وتركيز كتير كبير خلال الدراسة😉 ... بس هاد الشي ما بيعني أبداً إنو الأسئلة ما بتتلحق وانها مادة للتنجيح فقط...لا إطلاقاً.
وقت الامتحان ساعة ونصف وأنا خلصت الأسئلة بساعة وثلث.. الشغلة شغلة تدريب عالآلة الحاسبة مشان ما تستهلك وقت بحل المسائل و كمان بحاجة لتكون فهمان كل حرف بهالكتاب وحافظ قسم العضوية كتير كتير منيح لتقدر تلحق ... ممكن تكون المادة صاحبة أقل علامة بين موادك 🙃. . والعلامة 85 وما فوق منطقية كتير ليللي تعبان ع حالو منيح.
مصادر الدراسة : المصدر الأساسي والوحيد والمرجع هو الكتاب .. لكن فيك تستعين بأعمال الفرق التطوعية متل ال RBCs وال DNA وال Aplus .
أسلوب الدراسة : يمكن تشوفوا الكتاب ضخم وكمية المعلومات كتيرة..بس بالحقيقة أسلوب عرض المعلومات صاير بشكل سردي ممل شوي ومفيد كتير لترسيخ الفهم ... بتقرأ الفقرة مرتين.. بتستنج منها الفكرة وبتحفظها...
حاولوا تركزوا بكل مخطط مرسوم بالكتاب وتحلوا كل أسئلة "اختبر معلوماتك" لإن كتير بيجي منها بالامتحان.
فريق ال Aplus اشتغلوا شغل طيّب وممتاز كتير لكم فصل بالكيمياء.وكتير مفيد إنو تقرؤوهن ..
بعد ما تخلصوا دراسة الفصل فورا افتحوا أسئلة الدورات اللي موجودة بآخر ملاحق فريق Rbcs وحاولوا تحلوا وتشوفوا مستوى الأسئلة ... وفي فقرة أسئلة بتندىج تحت عنوان "أسئلة كامبريدج" لا تغفلوا عنها .. الكتاب مُترجم عن جامعة كامبريدج وهي الأسئلة مستواها عالي شوي وكتير مهمة وبيتكرر منها بالامتحان كأفكار ... بتلاقوا الحلول بالتفصيل بملحق خاص بهي الأسئلة لكل الفصول من شغل فريق ال DNA .
ختاما....لا تسمعوا لكلام المُشائمين وخاصة بهي المادة.🙂..ال90 بهي المادة بتنجاب وبدها شغل جبار وتوفيق بالامتحان ....وفي عدد لا بأس فيه من طلاب الدفعة الرابعة جاب هي العلامة .. بس بتبقى أصعب مادة لل90.💔
الكيمياء.. وما أدراكم ما الكيمياء 😎.. الكتاب مؤلف من 25 فصلاً ، المطلوب منكم 21 فصلاً فقط...بيتوزعوا على 13 فصل من حصة الكيمياء البنيوية وهي مُشابهة في المواضيع المطروحة للكيمياء اللي مرت معكم بالمرحلة الثانوية مع بعض الإضافات والإسهابات بالشرح، وباقي الفصول من نصيب الكيمياء العضوية.
مستوى المادة : مستوى صعوبة المادة نسبي .. يعني يللي بيحب الكيمياء رح يشوف هي المادة سهلة😍.. ويللي ما بيحب الكيميا رح يشوفها صعبة😱...
أما مستوى أسئلة المادة بالامتحان فهو للأمانة صعب ووقت الحل ضيق... الأسئلة بتجي محتوية على نسبة منيحة من المسائل وكمية من الأسئلة النظرية اللي بتحتاج لذكاء وسرعة بديهة وتركيز كتير كبير خلال الدراسة😉 ... بس هاد الشي ما بيعني أبداً إنو الأسئلة ما بتتلحق وانها مادة للتنجيح فقط...لا إطلاقاً.
وقت الامتحان ساعة ونصف وأنا خلصت الأسئلة بساعة وثلث.. الشغلة شغلة تدريب عالآلة الحاسبة مشان ما تستهلك وقت بحل المسائل و كمان بحاجة لتكون فهمان كل حرف بهالكتاب وحافظ قسم العضوية كتير كتير منيح لتقدر تلحق ... ممكن تكون المادة صاحبة أقل علامة بين موادك 🙃. . والعلامة 85 وما فوق منطقية كتير ليللي تعبان ع حالو منيح.
مصادر الدراسة : المصدر الأساسي والوحيد والمرجع هو الكتاب .. لكن فيك تستعين بأعمال الفرق التطوعية متل ال RBCs وال DNA وال Aplus .
أسلوب الدراسة : يمكن تشوفوا الكتاب ضخم وكمية المعلومات كتيرة..بس بالحقيقة أسلوب عرض المعلومات صاير بشكل سردي ممل شوي ومفيد كتير لترسيخ الفهم ... بتقرأ الفقرة مرتين.. بتستنج منها الفكرة وبتحفظها...
حاولوا تركزوا بكل مخطط مرسوم بالكتاب وتحلوا كل أسئلة "اختبر معلوماتك" لإن كتير بيجي منها بالامتحان.
فريق ال Aplus اشتغلوا شغل طيّب وممتاز كتير لكم فصل بالكيمياء.وكتير مفيد إنو تقرؤوهن ..
بعد ما تخلصوا دراسة الفصل فورا افتحوا أسئلة الدورات اللي موجودة بآخر ملاحق فريق Rbcs وحاولوا تحلوا وتشوفوا مستوى الأسئلة ... وفي فقرة أسئلة بتندىج تحت عنوان "أسئلة كامبريدج" لا تغفلوا عنها .. الكتاب مُترجم عن جامعة كامبريدج وهي الأسئلة مستواها عالي شوي وكتير مهمة وبيتكرر منها بالامتحان كأفكار ... بتلاقوا الحلول بالتفصيل بملحق خاص بهي الأسئلة لكل الفصول من شغل فريق ال DNA .
ختاما....لا تسمعوا لكلام المُشائمين وخاصة بهي المادة.🙂..ال90 بهي المادة بتنجاب وبدها شغل جبار وتوفيق بالامتحان ....وفي عدد لا بأس فيه من طلاب الدفعة الرابعة جاب هي العلامة .. بس بتبقى أصعب مادة لل90.💔
