السلام عليكم.
بنتابع معكن أصدقاءنا بالمقال الرابع الخاص بشرح الفصل الأول.
5.1 حسابات المول :
الكتل المتفاعلة :
لما بدنا نفاعل مادتين مع بعض فلازم نعرف أديش بيلزمنا من كل مادة؛ مشان يتم التفاعل دون وجود مخلفات. ولهالسبب هاد المفروض علينا نعرف كم مول بيلزمني من كل مُتفاعل إذا كان بدي احصل على عدد معيّن من مولات المواد الناتجة.
بنتذكر سابقاً بأيام الإعدادي والثانوي عند موازنة المعادلة الكيميائية، كنا بنحط قبل كل مادة عدد بيدل على عدد المولات من هي المادة.. هاد العدد اسمو "الأمثال التفاعلية"، وهلأ الو اسم جديد ويللي هو "ستوكيومترية المعادلة"...
لناخد مثال غير اللي موجود بالكتاب بالصفحة 6 :
عندي التفاعل الآتي:
2H2 +O2 >>>>>2H2O
بهاد التفاعل.. لزمني لتشكيل 2 مول من جزيئات الماء.. مول من الO2 ومولين من ال H2
بنسمي الأعداد اللي قبل كل مادة هي الأمثال التفاعلية أو ستوكيومترية المعادلة..
وبنسمي الأعداد الكبيرة) 2،2) بالأعداد الستوكيومترية... لهيك بدكن تميزوا بين الستوكيومترية والأعداد الستوكيومترية.
السؤال ع الكلام اللي فوق اجى دورتين بالشكل الآتي :
بيعطيك معادلة وبيقلك عين الستوكيومترية وبيعطيك خيارات.. يعني كإنو عم يقلك وازن لي المعادلة.. Easy😉.
إيجاد كتل النواتج عن طريق المتفاعلات :
هي هون بتجيك مسألة وهي مشروع سؤال دورة.. والفكرة اللي رح نحكيها هي بالصفحة 6 بالمثال المحلول..
بيعطيك تفاعل.. رح ناخد مثال تفاعل الماء اللي كتبناه فوق.. بيقلك بالسؤال : فاعلنا 4 غرامات من الهيدروجين مع كمية من الأوكسجين فنتج معنا كمية من الماء.. احسب الوزن الغرامي للماء الناتج.. بكل بساطة الحل رح نرفقه بصورة..
هاد الحل بالتفصيل.. بدكن تحاولوا تتدربوا منيح لإن رح يكون معكن تقريباً دقيقة لهيك سؤال.. لذلك بدكن تتخيلوا المعادلة وتعرفوا شو تضربوا وتقسموا وبيطلع معكن الناتج... Easy😉
بس بدها تدريب.
ستوكيومترية التفاعل :
بهي الفقرة رح نتعرف على إيجاد الستوكيومترية عن طريق الكتل المُعطاة..
بنرجع لمثال تفاعل الماء.. بيقلك.. فاعلنا 8 غرامات من الهيدروجين مع 64 غرام اوكسجين.. فطلع معنا 72 غرام ماء...أوجد ستوكيومترية المعادلة... الحل بصورة.
هيك بيخلص المقال.. والمقال التالي رح يكون عن الأرقام المعنوية.. بالتوفيق ♥️.
