الطبقات الفرعية الكمومية :
هلأ نحنا بنعرف انو عنا حول النواة طبقات كمومية رئيسة او أساسية،بهي الطبقات قلنا سابقاً إنو بتسكن الإلكترونات.
اتخيلوا معنا إنو كل طبقة عبارة عن بناء الو طوابق.. بكل طابق عم يتوزع عدد معين من الإلكترونات،وهيك ... كل طبقة رئيسية (بناء) بتنقسم لطبقات فرعية(طوابق) وبكل طبقة فرعية في عندي مدارات ذرية(شقق).
هي مقدمة تخيلية بسيطة دائماً بتنعرض وقت بيتم الحديث ضمن هاد المجال.
لهيك، عندي الطبقات الأساسية بتتفرع لطبقات فرعية عدا الطبقة الأساسية الأولى (اللي رمزها K)... وكل طبقة أساسية فيها عدد معين من الطبقات الفرعية .. وهي الطبقات الفرعية الها رموز (s,p,d,f.....) فقط العناصر اللي فيها أكتر من 57 إلكترون (يعني عددها الذري أكبر من 57) بتضم الطبقات الفرعية f.
بالطبقة الرئيسية الوحدة في عدة طبقات فرعية بتسكن فيها الإلكترونات بناءً على طاقتها .. يعني الإلكترون اللي ساكن بالطبقة p طاقتو أعلى من الإلكترون اللي ساكن بالطبقة s وهيك..
كل طبقة فرعية إلها سعة أعظمية للإلكترونات بناء على عدد المدارات اللي فيها:
فالطبقة s فيها إلكترونين كحد أقصى
والطبقة p فيها 6 إلكترونات كحد أقصى
والطبقة d فيها 10 إلكترونات كحد أقصى
وبناءً على هالشي بيكون بالطبقة الرئيسية الأولى في عنا إلكترونين فقط .. لإن الطبقة الرئيسية الأولى فيها بس طبقة فرعيةوحدة هي s.
الطبقة الرئيسية الثانية فيها 8 إلكترونات لإنها بتتفرع لطبقتنين فرعيات s و p.
الطبقة الرئيسية الثالثة فيها 18 إلكترون لإنها بتتفرع ل 3 طبقات فرعية s و p و d.
ترتبب الطبقات الفرعية بالذرة بيكون حسب تزايد طاقة الطبقات . يعني مو بالضرورة يكون s ثم p ثم d .
الترتيب عنا بيكون متل الشكل 6.3 اللي بالصفحة 37.
لاحظوا كيف الطبقة الثالثة متداخلة مع الطبقة الرابعة .. الطبقة الفرعية 4s طاقتها أخفض من الطبقة الفرعية 3d وبالتالي رح تمتلئ الطبقة 4s بالإلكترونات قبل الطبقة 3d.. وهاد التداخل بيبلش من عند البوتاسيوم ..
البوتاسيوم عندو 19 إلكترون .. رح يتوزعوا بالشكل 2.8.8.1 .. ما رح يتوزعوا وفق الشكل 2.8.9 . لإن الطبقة 4s عم تتعبى قبل ال 3d.
يعني هيك رح يكون التوزيع تبع البوتاسيوم :
1s2 2s2 2p6 3s2 3p6 4s1
لنفسر الرمز شوي ... 1s2.. الرقم 1 بيشير للطبقة الرئيسية والرقم 2 عم يشير لعدد الإلكترونات..اعذرونا ما فينا نكتبها بشكل أس.
هاد التداخل بيبدأ من بعد الأرغون.. الأرغون عدده الذري 18.
المدارات الذرية:
كل طبقة فرعية فيها مدار ذري واحد أو أكثر.
يعني هلأ صار عنا الترتيب التالي :الطبقة الرئيسية بتنقسم لطبقات فرعية .. بعدين الطبقة الفرعية فيها مدارات
رئيسية>>>فرعية>>>مدارات. بكل مدار بيقعدوا إلكترونين على الأكثر.
بالطبقة الفرعية s في عندي مدار واحد وبالتالي بتساع إلكترونين
بالطبقة الفرعية p عندي 3 مدارات وبالتالي بتساع 6 إلكترونات.
بالطبقة الفرعية d عندي 5 مدارات وبالتالي بتساع 10 إلكترونات.
أشكال المدارات الذرية:
هلأ هون بتتجلى فائدة الصورة اللي عم نحطها بالمقالات.
المدارات s شكلها كروي
المدرات p شكلها مغزلي
عندي المدار 1s كروي متلو متل المدار 2s ومتل المدار 3s بس الاختلاف بيناتن عم يكون بالطاقة... طاقة الإلكترونات بالمدار 2s أعلى من طاقة الإلكترونات بالمدار 1s
المدارات p شكلها مغزلي .. وكمان ما في اختلاف بالشكل وإنما بالطاقة بين المدارات p التابعة للطبقات الفرعية بأنواعها.
بتتوضع المدارت p على المحاور الفراغية لشي مستوي فراغي افتراضي (اتذكروا الأشعة بالبكالوريا)
فبقا بنلاقي مدار بيتوضع عالمحور x بنسميه 2px
وآخر على y بنسميه 2py وآخر علة z بنسميه 2pz.
من مربع الحقيقة اللي بالصفحة 39 بيهمكم تعرفوا شكل المدار dz2.
ملء الطبقات والمدارات :
الخلاصة من كل هالفقرة إنو الملء بيتم من الأدنى طاقة للأعلى طاقة.
يعني بنعبي هيك
1s>>2s >>>2p>>>3s>>>3p>>>4s>>3d
من اليسار لليمين.
اتخيلوا معنا إنو كل طبقة عبارة عن بناء الو طوابق.. بكل طابق عم يتوزع عدد معين من الإلكترونات،وهيك ... كل طبقة رئيسية (بناء) بتنقسم لطبقات فرعية(طوابق) وبكل طبقة فرعية في عندي مدارات ذرية(شقق).
هي مقدمة تخيلية بسيطة دائماً بتنعرض وقت بيتم الحديث ضمن هاد المجال.
لهيك، عندي الطبقات الأساسية بتتفرع لطبقات فرعية عدا الطبقة الأساسية الأولى (اللي رمزها K)... وكل طبقة أساسية فيها عدد معين من الطبقات الفرعية .. وهي الطبقات الفرعية الها رموز (s,p,d,f.....) فقط العناصر اللي فيها أكتر من 57 إلكترون (يعني عددها الذري أكبر من 57) بتضم الطبقات الفرعية f.
بالطبقة الرئيسية الوحدة في عدة طبقات فرعية بتسكن فيها الإلكترونات بناءً على طاقتها .. يعني الإلكترون اللي ساكن بالطبقة p طاقتو أعلى من الإلكترون اللي ساكن بالطبقة s وهيك..
كل طبقة فرعية إلها سعة أعظمية للإلكترونات بناء على عدد المدارات اللي فيها:
فالطبقة s فيها إلكترونين كحد أقصى
والطبقة p فيها 6 إلكترونات كحد أقصى
والطبقة d فيها 10 إلكترونات كحد أقصى
وبناءً على هالشي بيكون بالطبقة الرئيسية الأولى في عنا إلكترونين فقط .. لإن الطبقة الرئيسية الأولى فيها بس طبقة فرعيةوحدة هي s.
الطبقة الرئيسية الثانية فيها 8 إلكترونات لإنها بتتفرع لطبقتنين فرعيات s و p.
الطبقة الرئيسية الثالثة فيها 18 إلكترون لإنها بتتفرع ل 3 طبقات فرعية s و p و d.
ترتبب الطبقات الفرعية بالذرة بيكون حسب تزايد طاقة الطبقات . يعني مو بالضرورة يكون s ثم p ثم d .
الترتيب عنا بيكون متل الشكل 6.3 اللي بالصفحة 37.
لاحظوا كيف الطبقة الثالثة متداخلة مع الطبقة الرابعة .. الطبقة الفرعية 4s طاقتها أخفض من الطبقة الفرعية 3d وبالتالي رح تمتلئ الطبقة 4s بالإلكترونات قبل الطبقة 3d.. وهاد التداخل بيبلش من عند البوتاسيوم ..
البوتاسيوم عندو 19 إلكترون .. رح يتوزعوا بالشكل 2.8.8.1 .. ما رح يتوزعوا وفق الشكل 2.8.9 . لإن الطبقة 4s عم تتعبى قبل ال 3d.
يعني هيك رح يكون التوزيع تبع البوتاسيوم :
1s2 2s2 2p6 3s2 3p6 4s1
لنفسر الرمز شوي ... 1s2.. الرقم 1 بيشير للطبقة الرئيسية والرقم 2 عم يشير لعدد الإلكترونات..اعذرونا ما فينا نكتبها بشكل أس.
هاد التداخل بيبدأ من بعد الأرغون.. الأرغون عدده الذري 18.
المدارات الذرية:
كل طبقة فرعية فيها مدار ذري واحد أو أكثر.
يعني هلأ صار عنا الترتيب التالي :الطبقة الرئيسية بتنقسم لطبقات فرعية .. بعدين الطبقة الفرعية فيها مدارات
رئيسية>>>فرعية>>>مدارات. بكل مدار بيقعدوا إلكترونين على الأكثر.
بالطبقة الفرعية s في عندي مدار واحد وبالتالي بتساع إلكترونين
بالطبقة الفرعية p عندي 3 مدارات وبالتالي بتساع 6 إلكترونات.
بالطبقة الفرعية d عندي 5 مدارات وبالتالي بتساع 10 إلكترونات.
أشكال المدارات الذرية:
هلأ هون بتتجلى فائدة الصورة اللي عم نحطها بالمقالات.
المدارات s شكلها كروي
المدرات p شكلها مغزلي
عندي المدار 1s كروي متلو متل المدار 2s ومتل المدار 3s بس الاختلاف بيناتن عم يكون بالطاقة... طاقة الإلكترونات بالمدار 2s أعلى من طاقة الإلكترونات بالمدار 1s
المدارات p شكلها مغزلي .. وكمان ما في اختلاف بالشكل وإنما بالطاقة بين المدارات p التابعة للطبقات الفرعية بأنواعها.
بتتوضع المدارت p على المحاور الفراغية لشي مستوي فراغي افتراضي (اتذكروا الأشعة بالبكالوريا)
فبقا بنلاقي مدار بيتوضع عالمحور x بنسميه 2px
وآخر على y بنسميه 2py وآخر علة z بنسميه 2pz.
من مربع الحقيقة اللي بالصفحة 39 بيهمكم تعرفوا شكل المدار dz2.
ملء الطبقات والمدارات :
الخلاصة من كل هالفقرة إنو الملء بيتم من الأدنى طاقة للأعلى طاقة.
يعني بنعبي هيك
1s>>2s >>>2p>>>3s>>>3p>>>4s>>3d
من اليسار لليمين.
