السلام عليكم.
الحكي اللي رح ينكتب طويل ولا تحاول تتركو من نصو مشان ما توصلك الصورة ناقصة.
المواضيع اللي رح ناقشها هية :
1- درسنا ومن وين بدنا نراجع؟
2- شو الأفضل نساوي بهي الفترة بعد دراسة الفصل؟ نحل بنوك وأتمتات ودورات ولا بس دورات؟
3- شو مدى فائدة الملخصات اللي عم نسمع فيها؟
4- ايمت بضطر لملخص؟
5- شو بعمل اذا ضل عليي كم فصل وما درستن؟
6-بيوم الجمعة (قبل المادة بيوم) أنو أفضل راجع اللي درستو خلال أسبوع المادة ولا ادرس شي جديد؟
7-معقولة الحق راجع 400 صفحة بيوم الجمعة؟
8-كيفية التعامل مع الورقة الامتحانية.
هاد المقال رح يكون جداً طويل وبإذن الله بيغنيك عن أي حكي تاني..
على اعتباري جبت بمادة البيولوجيا 94 رح انقللك تجربتي الكاملة بهي المادة خلال الفترة الامتحانية..
رح بلش بمقدمة عامة للكتاب وبعدها جاوب عالنقاط اللي فوق اللي أكيد خطرت ببال غالبيتكن.
الكتاب 12 فصل.. ما في فصل مهم وفصل مانو مهم.. كل الفصول مهمة، وكمية الأسئلة اللي بتجي من فصل معين بتتناسب "غالباً" مع ضخامة هالفصل.. غالباً.
بلشت بكتاب البيولوجيا قبل ب 10 أيام من الفحص وكنت مخلص أول 10 فصول بس دراسة وماني مراجعهن وجه تاني... كانت أيام صعبة وكان بودي كون مبلش قبل ب 12 يوم.. لهيك لحد يخاطر ويقول يلا بترك يومين هلأ وببلش قبل ب 10 أيام متل ما عم يحكي كاتب المقال...لأ عزيزي.. بتبلش من هلأ بالمادة حتى لو كنت مخلصها.
كيف بتبلشوا دراسة؟
أول شغلة لازم تشيل جوالك ع جنب وتسكر النت وما تخلي غير التيليغرام للشغلات الضرورية الضرورية..
بدك تكثف عدد ساعات دراستك للحد الأقصى إن كان بدك تلحق المادة بإتقان..
أكيد مانك فهمان المادة كلها عالتمام وحاسسها صعبة.. بس بعد ما تعمل تكامل للمعلومات بين الفصول خلال هي الفترة رح تصير المادة مُستساغة عندك وتكون الأمور بالسليم.
الفصول صاحبة الأسئلة الأعلى ع دوري (بدورة 2019) ولسا بتذكر شو اجانا أسئلة :
الفصل الرابع بذكر اجى منو بحدود ال9 أسئلة
الفصل الثالث كان بحدود ال13 سؤال
الفصل الخامس يمكن 7
والثامن شي 9
الفصل 11 اجى منو لا يقل عن 9 أسئلة
والفصل 12 كمان لا يقل عن 9 أسئلة
الفصل الثاني اجى منو 4 أسئلة فقط وعلى غير العادة... بالعادة بيجي منو أكتر..
الفصل الأول 4 أسئلة
وباقي الأسئلة بتتوزع ع باقي الفصول.
هاد اللي اجى بدورتي.. لا تاخد من كلامي فكرة ترك فصول بناءً على مقدار أسئلتها بالدورات السابقة.. كل دورة الوزارة بتجيب شكل...بس الفصول اللي جداً مهمة ودائماً بيجي منها كتير هنن :
الرابع والتاسع والعاشر سوا.. هدول مهمين امتحانيا ومهمين مستقبلاً لإنن أساس بكتاب الوراثة بالفصل التاني.
الفصلين 12 و11 جداً جداً مهمين وبيجي منن علامات بالهبل
الفصل 8 بيجي بعد ال12 وال11
والفصل 3 أكيد كل سنة بيجي منو كمية لا بأس فيها من الأسئلة.
بتبلش دراسة بالمادة من أول فصل وبتتوكل ع الله.. قبل ما تفتح الفصل بتشوف الدورات اللي جاية لهاد الفصل بملاحق الآربسيز (ذكرت الآربسيز لإنها متوفرة مجانية بشكل pdf)
وبتحل دورات هاد الفصل حتى قبل ما تدرسو.. بتحل هيك بسرعة بس مشان تشوف كيف الأسئلة عم تجي ومشان تنتبه للأفكار اللي اجت بالدورات وانت عم تدرس الفصل.. ما عم قلك ادرس بس أفكار الدورات.. لأ.. بتدرس بعدها الفصل حتى لو طلع حلك كلو غلط.. بتدرس الفصل وبتركز بدراستك عالأخير..ما في داعي قلك كيف لازم تدرس وتعرف شو المهم وتميز الحشو الموجود لانك انت هلأ بفترة مراجعة مو دراسة من أول وجديد..
ممكن تكون نسيان الفصل كلو وتحس المعلومات جديدة عليك وكإنك عم تحفظ من أول وجديد.. معلش لا تيئس.. بترجع بتحفظ وبتتقن..
هون بيجي سؤال ع بالكن كتير ويللي هو : لما عم انتقل لتاني صفحة عم حس حالي ولا كإني بعرف شو اللي موجود بالصفحة اللي قبل 😐😐😐.. هيك وضعي منيح ولما رح حل رح اتذكر واعرف جاوب؟
لا يا حبيبي، هيك وضعك مانو منيح...السبب هو انو انت إما عم تقرأ قراءة أو عم تحفظ الكلام حفظ(تبصم بصم متل القومية من دون فهم) وتتعب مخك .. لا تتقيد بأسلوب الكتاب واحفظ المعلومات بطريقتك وبصياغتك بشرط تجيب الفكرة نفسها.. وحاول تعيد الفكرة وتعيدها وتعيدها حتى تتقنها...ممكن الصفحة تاكل معك بالمراجعة ربع ساعة (لإن بتكون متبخرة) فمعلش لا تترك وتمل وتقوم..
وانت عم تدرس اقرأ كلشي موجود بالصفحة وخاصة الكلام اللي تحت الصور ترا كتير كتير مهم.. أسماء العلماء مهمة وبيجي منها سؤال بالامتحان..
هيك لحتى تخلص الفصل... بس خلصته بتعملله نطرة سريعة إعادة بس لتتذكر الخيط تبع كل فكرة (يعني شغلتك مو أكتر من ساعة هون للفصل الطويل).. بتسكر الفصل وبتريح حالك
بعدها بترد بتفتح الدورات وبتحل وبتعير لحالك وقت.. حاول تتدرب وانت عم تحل إنو تقرأ السؤال من أول مرة بتركيز وتفهم شو طالب منك... بعدين اقرأ الخيارات كلها وناقشها حسب ما انت فهمان وحافظ.. ممكن الخيارات ما تكون مطابقة لكلام كتابك.. ما بيهم طالما انت فهمان الفكرة وحافظها بأسلوبك.. بتناقش الخيارات لتعرف تجاوب.
حاول تعير لحالك وقت.. مثلاً كل 20 سؤال لازم حلهم بربع ساعة وحاول تسبق الوقت أكتر بس بشرط تحل صح..
بعد ما تخلص حل بتتأكد من حلك وبتشوف وين الأماكن اللي انت خربطت فيها وبترجع عليها عالكتاب وبتعيد الفكرة لتصير صحيحة ببالك... لا تتلبك اذا خربطت.. خربط هلأ أحين مما تخربط بالامتحان.
هلأ انت خلصت الفصل وحليت دوراته وفهمانه عالتمام.. بتفوت بالفصل اللي بعدو بنفس الطريقة (اذا حبيت) هييييك ليخلص اليوم.
باليوم التاني أول ما بتفيق بتفتح عاللي درستن مبارح.. بتعمل تصفح سريع لإلن وبتشوف شو الشغلات اللي فعلاً حسيتها صعبة عليك وما تذكرتها وبتأشر عليها مشان تراجعها بوم الجمعة.
وبتبلش بالباقي بنفس الطريقة.
رح اعطيكن وقت تقديري لكل فصل من الفصول :
طبعاً انت هون ما رح تكتفي بدراسة 8 ساعات باليوم إذا كان بدك علامة جداً عالية بالمادة.. لازم يصير كل وقتك دراسة.
الفصل الأول التاني والتالت 3 أيام ونص وخالصين
الرابع والتاسع والعاشر بدن يومين بزيادة
الخامس والسادس يوم
السابع والتامن يومين (معلش طوال شوي هنن)
ال11 يوم
وال12 يوم
هيك بيضل معك يوم ونص.. يعني بتخلص الخميس بعد العصر.
هاد الجدول بظن مريح وفينو الواحد يضغط حالو أكتر وأكتر ويوفر أيام أكتر.
لا تتركوا قراءة الدورات للأخير.. خلوها كل فصل بفصله.
بخصوص باقي الأسئلة رح جاوب عليها بمقال تاني لإن هاد صار كتير طويل.
الحكي اللي رح ينكتب طويل ولا تحاول تتركو من نصو مشان ما توصلك الصورة ناقصة.
المواضيع اللي رح ناقشها هية :
1- درسنا ومن وين بدنا نراجع؟
2- شو الأفضل نساوي بهي الفترة بعد دراسة الفصل؟ نحل بنوك وأتمتات ودورات ولا بس دورات؟
3- شو مدى فائدة الملخصات اللي عم نسمع فيها؟
4- ايمت بضطر لملخص؟
5- شو بعمل اذا ضل عليي كم فصل وما درستن؟
6-بيوم الجمعة (قبل المادة بيوم) أنو أفضل راجع اللي درستو خلال أسبوع المادة ولا ادرس شي جديد؟
7-معقولة الحق راجع 400 صفحة بيوم الجمعة؟
8-كيفية التعامل مع الورقة الامتحانية.
هاد المقال رح يكون جداً طويل وبإذن الله بيغنيك عن أي حكي تاني..
على اعتباري جبت بمادة البيولوجيا 94 رح انقللك تجربتي الكاملة بهي المادة خلال الفترة الامتحانية..
رح بلش بمقدمة عامة للكتاب وبعدها جاوب عالنقاط اللي فوق اللي أكيد خطرت ببال غالبيتكن.
الكتاب 12 فصل.. ما في فصل مهم وفصل مانو مهم.. كل الفصول مهمة، وكمية الأسئلة اللي بتجي من فصل معين بتتناسب "غالباً" مع ضخامة هالفصل.. غالباً.
بلشت بكتاب البيولوجيا قبل ب 10 أيام من الفحص وكنت مخلص أول 10 فصول بس دراسة وماني مراجعهن وجه تاني... كانت أيام صعبة وكان بودي كون مبلش قبل ب 12 يوم.. لهيك لحد يخاطر ويقول يلا بترك يومين هلأ وببلش قبل ب 10 أيام متل ما عم يحكي كاتب المقال...لأ عزيزي.. بتبلش من هلأ بالمادة حتى لو كنت مخلصها.
كيف بتبلشوا دراسة؟
أول شغلة لازم تشيل جوالك ع جنب وتسكر النت وما تخلي غير التيليغرام للشغلات الضرورية الضرورية..
بدك تكثف عدد ساعات دراستك للحد الأقصى إن كان بدك تلحق المادة بإتقان..
أكيد مانك فهمان المادة كلها عالتمام وحاسسها صعبة.. بس بعد ما تعمل تكامل للمعلومات بين الفصول خلال هي الفترة رح تصير المادة مُستساغة عندك وتكون الأمور بالسليم.
الفصول صاحبة الأسئلة الأعلى ع دوري (بدورة 2019) ولسا بتذكر شو اجانا أسئلة :
الفصل الرابع بذكر اجى منو بحدود ال9 أسئلة
الفصل الثالث كان بحدود ال13 سؤال
الفصل الخامس يمكن 7
والثامن شي 9
الفصل 11 اجى منو لا يقل عن 9 أسئلة
والفصل 12 كمان لا يقل عن 9 أسئلة
الفصل الثاني اجى منو 4 أسئلة فقط وعلى غير العادة... بالعادة بيجي منو أكتر..
الفصل الأول 4 أسئلة
وباقي الأسئلة بتتوزع ع باقي الفصول.
هاد اللي اجى بدورتي.. لا تاخد من كلامي فكرة ترك فصول بناءً على مقدار أسئلتها بالدورات السابقة.. كل دورة الوزارة بتجيب شكل...بس الفصول اللي جداً مهمة ودائماً بيجي منها كتير هنن :
الرابع والتاسع والعاشر سوا.. هدول مهمين امتحانيا ومهمين مستقبلاً لإنن أساس بكتاب الوراثة بالفصل التاني.
الفصلين 12 و11 جداً جداً مهمين وبيجي منن علامات بالهبل
الفصل 8 بيجي بعد ال12 وال11
والفصل 3 أكيد كل سنة بيجي منو كمية لا بأس فيها من الأسئلة.
بتبلش دراسة بالمادة من أول فصل وبتتوكل ع الله.. قبل ما تفتح الفصل بتشوف الدورات اللي جاية لهاد الفصل بملاحق الآربسيز (ذكرت الآربسيز لإنها متوفرة مجانية بشكل pdf)
وبتحل دورات هاد الفصل حتى قبل ما تدرسو.. بتحل هيك بسرعة بس مشان تشوف كيف الأسئلة عم تجي ومشان تنتبه للأفكار اللي اجت بالدورات وانت عم تدرس الفصل.. ما عم قلك ادرس بس أفكار الدورات.. لأ.. بتدرس بعدها الفصل حتى لو طلع حلك كلو غلط.. بتدرس الفصل وبتركز بدراستك عالأخير..ما في داعي قلك كيف لازم تدرس وتعرف شو المهم وتميز الحشو الموجود لانك انت هلأ بفترة مراجعة مو دراسة من أول وجديد..
ممكن تكون نسيان الفصل كلو وتحس المعلومات جديدة عليك وكإنك عم تحفظ من أول وجديد.. معلش لا تيئس.. بترجع بتحفظ وبتتقن..
هون بيجي سؤال ع بالكن كتير ويللي هو : لما عم انتقل لتاني صفحة عم حس حالي ولا كإني بعرف شو اللي موجود بالصفحة اللي قبل 😐😐😐.. هيك وضعي منيح ولما رح حل رح اتذكر واعرف جاوب؟
لا يا حبيبي، هيك وضعك مانو منيح...السبب هو انو انت إما عم تقرأ قراءة أو عم تحفظ الكلام حفظ(تبصم بصم متل القومية من دون فهم) وتتعب مخك .. لا تتقيد بأسلوب الكتاب واحفظ المعلومات بطريقتك وبصياغتك بشرط تجيب الفكرة نفسها.. وحاول تعيد الفكرة وتعيدها وتعيدها حتى تتقنها...ممكن الصفحة تاكل معك بالمراجعة ربع ساعة (لإن بتكون متبخرة) فمعلش لا تترك وتمل وتقوم..
وانت عم تدرس اقرأ كلشي موجود بالصفحة وخاصة الكلام اللي تحت الصور ترا كتير كتير مهم.. أسماء العلماء مهمة وبيجي منها سؤال بالامتحان..
هيك لحتى تخلص الفصل... بس خلصته بتعملله نطرة سريعة إعادة بس لتتذكر الخيط تبع كل فكرة (يعني شغلتك مو أكتر من ساعة هون للفصل الطويل).. بتسكر الفصل وبتريح حالك
بعدها بترد بتفتح الدورات وبتحل وبتعير لحالك وقت.. حاول تتدرب وانت عم تحل إنو تقرأ السؤال من أول مرة بتركيز وتفهم شو طالب منك... بعدين اقرأ الخيارات كلها وناقشها حسب ما انت فهمان وحافظ.. ممكن الخيارات ما تكون مطابقة لكلام كتابك.. ما بيهم طالما انت فهمان الفكرة وحافظها بأسلوبك.. بتناقش الخيارات لتعرف تجاوب.
حاول تعير لحالك وقت.. مثلاً كل 20 سؤال لازم حلهم بربع ساعة وحاول تسبق الوقت أكتر بس بشرط تحل صح..
بعد ما تخلص حل بتتأكد من حلك وبتشوف وين الأماكن اللي انت خربطت فيها وبترجع عليها عالكتاب وبتعيد الفكرة لتصير صحيحة ببالك... لا تتلبك اذا خربطت.. خربط هلأ أحين مما تخربط بالامتحان.
هلأ انت خلصت الفصل وحليت دوراته وفهمانه عالتمام.. بتفوت بالفصل اللي بعدو بنفس الطريقة (اذا حبيت) هييييك ليخلص اليوم.
باليوم التاني أول ما بتفيق بتفتح عاللي درستن مبارح.. بتعمل تصفح سريع لإلن وبتشوف شو الشغلات اللي فعلاً حسيتها صعبة عليك وما تذكرتها وبتأشر عليها مشان تراجعها بوم الجمعة.
وبتبلش بالباقي بنفس الطريقة.
رح اعطيكن وقت تقديري لكل فصل من الفصول :
طبعاً انت هون ما رح تكتفي بدراسة 8 ساعات باليوم إذا كان بدك علامة جداً عالية بالمادة.. لازم يصير كل وقتك دراسة.
الفصل الأول التاني والتالت 3 أيام ونص وخالصين
الرابع والتاسع والعاشر بدن يومين بزيادة
الخامس والسادس يوم
السابع والتامن يومين (معلش طوال شوي هنن)
ال11 يوم
وال12 يوم
هيك بيضل معك يوم ونص.. يعني بتخلص الخميس بعد العصر.
هاد الجدول بظن مريح وفينو الواحد يضغط حالو أكتر وأكتر ويوفر أيام أكتر.
لا تتركوا قراءة الدورات للأخير.. خلوها كل فصل بفصله.
بخصوص باقي الأسئلة رح جاوب عليها بمقال تاني لإن هاد صار كتير طويل.
