السلام عليكم ورحمة الله وبركاته
قبل ما ابدأ بالشرح ضروري تعرفوا المفاهيم التالية :
شو الفرق بين الجين والألليل؟
الجين عبارة عن ألليلين.. وبكتابنا بالفصل الأول بيطلقوا أحياناً مفهوم الجين عالألليل أو العكس..بكن بالحقيقة الجين هي ألليلين
طيب شو معنى ألليل؟ الألليل هو تتالي من النكليوتيدات موجود على أحد الصبغيات.. مرمز لبروتينات غالباً.. يعني بيحوي معلومات بيتم انتساخها واصطناع mRNA لتتم ترجمته لبروتينات بتعطيني وظيفة الخلية أو النمط الظاهري للصفة اللي عم ادرسها
عندي بالصورة هون صبغيين.. واحد جاية من الأم (من البويضة) والتاني من الأب(من النطفة)
ع كل صبغي في ألليل متل ما مكتوب بالصورة
لما اندمجت النطفة مع البويضة اقترنوا هالصبغيين مع بعض وشكلوا شفع صبغي.. بهاذ الشفع الصبغي في عندي ألليلين (طبعاً هو في الكثير من الأللائل) هدول الألليلين شكلولي الجين.
المكان اللي بتشغله الأللائل هو بنسميه ال Locus.
شو الفرق بين المورثة والجين؟
لا فرق.
شو الفرق بين الصبغي والصبيغي والكروماتين والكروماتيد؟
الصبغي :DNA +بروتينات الهيستونات وشوية بروتينات كمان بتساهم بعملية تكثّف الكروماتين + قليل من ال RNA.. كل هاد بيعطيني الشكل اللي موضح بالصورة.
الصبيغي : هو نفسه الكروماتيد.. وهي التسمية موجودة فقط في حالة الصبغي المضاعف المتشكل بعد تكثف المادة الكروماتينية اللي تضاعفت بالطور S من دورة حياة الخلية،
يعني هاد الشكل بنشوفه بفترة انقسام الخلية بس..
الكروماتين : هو DNA +بروتينات الهيستونات.. يعني هو خيط الدنا الملتف حول بروتينات الهيستونات.. هاد اللي منسميه الكروماتين.. أو فينا نقول هو خيط الدنا اللي فيه الأجسام النووية.
شو يعني صبغيين متماثلين؟ وهل التماثل هو بيحمل معنى التطابق؟
بنعرف إنو كل خلية (عدا الأعراس) فيها 22 شفع صبغي جسدي
وشفع من الصبغيات الجنسية
فبقا أي شفع من هدول ال22 الجسديات رح تكون صبغياته متماثلة.. يعني الشفع الصبغي الأول فيو الصبغي الأول والتاني
الصبغيين 1 و2 هنن متماثلين.. وواحد منن جاية من الأب والتاني من الأم
مثال تاني:الشفع الصبغي الخامس فيه الصبغيين 9 و10.. هدول متماثلين.. يعني بيشبهوا بعض
بس هنن مانن متطابقين.. التطابق بيعطي معنى أقوى من التماثل.. التماثل بيعطي معنى التشابه (هالحكي ذكرو دكتور بالشام)
وقت بقول هاد الصبغي بيماثل هاد الصبغي فمعناها في اختلاف بسيط بين هالصبغيين.. ممكن يكون الاختلاف بزوج نكليوتيدي واحد على الأقل..
أما الصبغيات المتطابقة (وما في صبغيات متطابقة) بتكون متل بعضها تماماً بكل التتاليات النكليوتيدية..
طيب الصبغيين اللا متماثلين شو هنن؟
ببساطة، هنن الصبغيين من شفعين مختلفين.. يعني مثلاً الصبغي 17 والصبغي 2.. هدول كل واحد منن جاية من شفع ما.
شو الفرق بين الصفة والخَلّة؟
فينا نقول إنو الخلّة هي الصفة المحددة للصفة المطلقة
يعني لون العيون مثلاً هو صفة مجردة.. أما لما بقول لون عيون هاد الشخص عسلية فهون أنا عطيت خَلّة.. مثلاً لون العيون أزرق فهون هي خَلّة كمان.
شو الفرق بين الدنا والجينوم أو المجين؟
نفس بعض.. الدنا عنا بالخلية نوعين حسب موضعه.. دنا متقدري موجود بالمتقدرات، ودنا نووي موجود بالنواة
الدنا نفسه الجينوم ونفسه المجين.. يعني عندي جينوم نووي وجينوم متقدري.
قبل ما ابدأ بالشرح ضروري تعرفوا المفاهيم التالية :
شو الفرق بين الجين والألليل؟
الجين عبارة عن ألليلين.. وبكتابنا بالفصل الأول بيطلقوا أحياناً مفهوم الجين عالألليل أو العكس..بكن بالحقيقة الجين هي ألليلين
طيب شو معنى ألليل؟ الألليل هو تتالي من النكليوتيدات موجود على أحد الصبغيات.. مرمز لبروتينات غالباً.. يعني بيحوي معلومات بيتم انتساخها واصطناع mRNA لتتم ترجمته لبروتينات بتعطيني وظيفة الخلية أو النمط الظاهري للصفة اللي عم ادرسها
عندي بالصورة هون صبغيين.. واحد جاية من الأم (من البويضة) والتاني من الأب(من النطفة)
ع كل صبغي في ألليل متل ما مكتوب بالصورة
لما اندمجت النطفة مع البويضة اقترنوا هالصبغيين مع بعض وشكلوا شفع صبغي.. بهاذ الشفع الصبغي في عندي ألليلين (طبعاً هو في الكثير من الأللائل) هدول الألليلين شكلولي الجين.
المكان اللي بتشغله الأللائل هو بنسميه ال Locus.
شو الفرق بين المورثة والجين؟
لا فرق.
شو الفرق بين الصبغي والصبيغي والكروماتين والكروماتيد؟
الصبغي :DNA +بروتينات الهيستونات وشوية بروتينات كمان بتساهم بعملية تكثّف الكروماتين + قليل من ال RNA.. كل هاد بيعطيني الشكل اللي موضح بالصورة.
الصبيغي : هو نفسه الكروماتيد.. وهي التسمية موجودة فقط في حالة الصبغي المضاعف المتشكل بعد تكثف المادة الكروماتينية اللي تضاعفت بالطور S من دورة حياة الخلية،
يعني هاد الشكل بنشوفه بفترة انقسام الخلية بس..
الكروماتين : هو DNA +بروتينات الهيستونات.. يعني هو خيط الدنا الملتف حول بروتينات الهيستونات.. هاد اللي منسميه الكروماتين.. أو فينا نقول هو خيط الدنا اللي فيه الأجسام النووية.
شو يعني صبغيين متماثلين؟ وهل التماثل هو بيحمل معنى التطابق؟
بنعرف إنو كل خلية (عدا الأعراس) فيها 22 شفع صبغي جسدي
وشفع من الصبغيات الجنسية
فبقا أي شفع من هدول ال22 الجسديات رح تكون صبغياته متماثلة.. يعني الشفع الصبغي الأول فيو الصبغي الأول والتاني
الصبغيين 1 و2 هنن متماثلين.. وواحد منن جاية من الأب والتاني من الأم
مثال تاني:الشفع الصبغي الخامس فيه الصبغيين 9 و10.. هدول متماثلين.. يعني بيشبهوا بعض
بس هنن مانن متطابقين.. التطابق بيعطي معنى أقوى من التماثل.. التماثل بيعطي معنى التشابه (هالحكي ذكرو دكتور بالشام)
وقت بقول هاد الصبغي بيماثل هاد الصبغي فمعناها في اختلاف بسيط بين هالصبغيين.. ممكن يكون الاختلاف بزوج نكليوتيدي واحد على الأقل..
أما الصبغيات المتطابقة (وما في صبغيات متطابقة) بتكون متل بعضها تماماً بكل التتاليات النكليوتيدية..
طيب الصبغيين اللا متماثلين شو هنن؟
ببساطة، هنن الصبغيين من شفعين مختلفين.. يعني مثلاً الصبغي 17 والصبغي 2.. هدول كل واحد منن جاية من شفع ما.
شو الفرق بين الصفة والخَلّة؟
فينا نقول إنو الخلّة هي الصفة المحددة للصفة المطلقة
يعني لون العيون مثلاً هو صفة مجردة.. أما لما بقول لون عيون هاد الشخص عسلية فهون أنا عطيت خَلّة.. مثلاً لون العيون أزرق فهون هي خَلّة كمان.
شو الفرق بين الدنا والجينوم أو المجين؟
نفس بعض.. الدنا عنا بالخلية نوعين حسب موضعه.. دنا متقدري موجود بالمتقدرات، ودنا نووي موجود بالنواة
الدنا نفسه الجينوم ونفسه المجين.. يعني عندي جينوم نووي وجينوم متقدري.
